Thuajse e kryer, Mikel Merino do të jetë transferimi i dytë i Arsenalit
Arsenali është shumë afër për ta mposhtur Barcelonën në garë për shërbimet e mesfushorit Mikel Merino nga Real Sociedadi.
Spanjolli i ka dhënë “dritën jeshile” skuadrës londineze për ta mbyllur transferimin, me këta të fundit që kanë bërë një ofertë zyrtare.
Arsenali ka ofruar 30 milionë euro plus bonuset drejt Sociedadit, me një marrëveshje që mund të kompletohet në orët në vijim.
Gazetari spanjoll Matteo Moretto raporton se gjithçka është duke shkuar drejt fundit, ndërsa ka mundësi që Sociedadi ta pranojë ofertën.
“Arsenali është një hap larg Mikel Merinos. Në orët e fundit klubi anglez prezentoi një ofertë verbale prej 30 milionë eurove plus bonuset dhe marrëveshja me Real Sociedadin është afër”.
“Mikel Merino tashmë i ka thënë po Topçinjve”, shkroi ai ndër të tjera.
Exclusiva.
— Matteo Moretto (@MatteMoretto) July 31, 2024
El Arsenal está a un paso de Mikel Merino.
En las últimas horas el club inglés ha presentado una oferta verbal de 30 millones de euros más bonus y el acuerdo con la Real Sociedad está a punto.
Mikel Merino ya ha dicho sí a los Gunners. pic.twitter.com/yWVaWTxurr
Ndërkohë, Arsenali është duke shikuar edhe për të transferuar një qendërsulmues ose anësor, por që deri më tani nuk ka asgjë konkrete.
Deri më tani, “Topçinjtë” kanë blerë vetëm Riccardo Calafiorin nga Bologna në një marrëveshje mbi 40 milionë euro.
