Spanja kampione e Evropës në basketboll, mposht në finale Francën

Kombëtarja e Spanjës është shpallur kampione e Evropës duke mposhtur në finale Francën.

Spanjollët ishin më të mirë se francezët duke triumfuar në fund me rezultat 88:76.

Spanja e nisi për mrekulli qysh nga çereku i parë duke kaluar me nëntë pikë epërsi (23:14), e ndjekur me një fitore edhe në çerekun e dytë me një pikë dallim (24:23).

Çerekun e tretë më e mirë u tregua Franca duke qenë një pikë përpara (19:20), por në fund Spanja u tregua më e saktë në çerekun e fundit (22:19), kësisoj epilogu përfundimtar doli të jetë 88:76.

Basketbollistët më të shkëlqyeshëm te Spanja ishin Juancho Hernangomez me 27 pikë, e ndjekur nga Lorenzo D'ontez Brown dhe Willy Hernangomez më nga 14 pikë.

Kurse, te Franca më së shumti u dallua Evan Fournier me 23 pikë.

Për Spanjën në total, kjo është hera e katërt që shpallet kampion në Evropë.

Renditja e plotë në "EuroBasket" ishte kështu:

Spanja

Franca

Gjermania

Polonia

Greqia

Sllovenia

Finlanda

Italia

Serbia

Turqia

Ukraina

Kroacia

Mali i Zi

Belgjika

Lituania

Republika Çeke

Izraeli

Bosnja dhe Hercegovina

Estonia

Bullgaria

Gjeorgjia

Holanda

Hungaria

Britania e Madhe.