Sot zhvillohen tetë ndeshjet e para të xhiros së katërt të Ligës së Kampionëve, Milan – PSG përballja kryesore
Xhiro e katërt në kuadër të grupeve të Ligës së Kampionëve do të fillojë sot me tetë ndeshje, ku përballja kryesore është ajo mes Milanit e Paris Saint-Germainit, me kuqezinjtë në kërkim të fitores së parë, pas një humbje e dy barazimeve në xhirot e kaluara.
Dy ndeshje do të zhvillohen në orarin 18:45, ndërsa gjashtë ndeshjet tjera në atë të zakonshmin, duke filluar në 21:00.
Borussia Dortmund e pret Newcastle Unitedin në grupin F dhe Barcelona është mysafire e Shakhtar Donetsk në grupin H, në ndeshjet e para.
Skuadra angleze edhe pse e turpëroi në javën e dytë PSG-në, ndaj skuadrës gjermane në xhiron e tretë pësoi humbje, duke bërë punën në atë grup krejtësisht tollovi.
Ndeshja tjetër e këtij grupi është mes Milanit e PSG-së, që do të jetë përballja kryesore e natës. Kuqezinjtë nuk e kanë shijuar akoma fitoren, me vetëm dy barazime, ndërsa kampioni francez gjendet në pozitën e parë me gjashtë pikë.
Përballjet e mbrëmjes së sotme janë këto:
Grupi E: Atletico Madrid – Celtic dhe Lazio Feyenoord;
Grupi F: Dortmund – Newcastle dhe Milan – PSG;
Grupi G: Red Star Belgrade – Leipzig dhe Manchester City – Young Boys;
Grupi H: Shakhtar – Barcelona dhe Porto - Royal Antwerp.
