Sky Sports: Nëse Ronaldo nuk përmirëson sjelljen, Man United konsideron t'ia ndërpres kontratën
Manchester United është duke konsideruar t'ia ndërpres sulmuesit Cristiano Ronaldo në rast që ky i fundit nuk përmirëson sjelljet.
Portugezi ka kërkuar largimin që dy muaj nga "Djajtë e Kuq", por deri më tani asnjë skuadër nuk ka shprehur interesim serioz, derisa edhe gjiganti anglez nuk ka pranuar ta shesë.
Por, kjo situatë mund të ndryshojë në ditët ose javët e ardhshme nëse Ronaldo vazhdon me këtë sjellje të papranueshme.
Mediumi britanik “Sky Sports” raporton se 20 herë kampioni i Anglisë është duke konsideruar mundësinë e ndërprerjes së kontratës të Ronaldos, nëse ky i fundit vazhdon me këtë sjellje.
We understand Manchester United want to see a change in Cristiano Ronaldo's attitude or they may have to consider terminating his contract. 😳🔴 #MUFC pic.twitter.com/ydLgPSRaQn
— Sky Sports News (@SkySportsNews) August 14, 2022
Dje në humbjen e thellë 4:0 ndaj Brentfordit, Ronaldo u pa duke u larguar menjëherë nga fusha pas fishkëllimës së fundit të arbitrit duke mos i përshëndetur tifozët, pavarësisht që ia kërkuan stafi i Unitedit.
Ndërkohë, ai gjithashtu nuk ia zgjati dorën as trajnerit Ten Hag pas përfundimit të takimit.
Dëshira e madhe e Ronaldos për largimin nga “Djajtë e Kuq”
Siç raporton mediumet më të mëdha Ronaldo dëshiron të largohet nga Manchester United vetëm pasi synon të luajë në Ligën e Kampionëve, gjë që nuk ia ofron klubi anglez.
Portugezi që është “mbret” për kompeticionin më të madh në botë synon të rris edhe më shumë rekordet e tij, pasi rivali Lionel Messi është duke iu afruar gjithmonë e më afër.
Ronaldo momentalisht është golashënuesi numër një në histori të Ligës së Kampionëve me 141 gola, derisa argjentinasi është prapa tij me 125 sosh.
U refuzua nga top klubet evropiane
Gjatë këtyre muajve, Ronaldo është refuzuar nga top klubet evropiane si Bayern Munich, Chelsea, PSG, Real Madrid e Atletico Madrid.
Arsyeja kryesore thuhet se ishte mosha 37-vjeçare derisa klubet e mëdha hezituan edhe që nuk do t’i përshtatej filozofisë së klubit.
Ndërkohë, afati kalimtar i verës mbetet i hapur deri më 1 shtator, prandaj ka ende kohë derisa të vendoset përfundimisht e ardhmja e pesë herë fituesit të Topit të Artë.
