Sky Sport Italia konfirmon: Milani në bisedime me Lukakun
Mediumi Sky Sport Italia, ka konfirmuar se Milani ka pasur kontakte me menaxherët e Romelu Lukakut, për të diskutuar një transferim të mundshëm në afatin kalimtar veror.
La Gazzetta dello Sport gjithashtu raportoi të enjten në mëngjes se kuqezinjtë mund të përdorin të ardhurat nga shitja e Sandro Tonalit te Newcastle United për të blerë Davide Frattesin dhe Lukakun, i cili do të kthehet te Chelsea pasi kaloi një sezon në huazim te Interi.
Controffensiva Inter: ha in mano i sì di Lukaku e Frattesi, si aspetta che rifiutino il Milan #calciomercato https://t.co/8iA8jpq8dp
— La Gazzetta dello Sport (@Gazzetta_it) June 22, 2023
Frattesi dhe Lukaku do të kushtonin 40 milionë euro secili.
Gazetari i Sky Sport Italia, Alessandro Sugoni, tha gjatë emisionit në transmetim direkt të enjten pasdite se Milani ka folur në mënyrë efektive me shoqëruesit e Lukakut për një transferim të mundshëm në anën tjetër të San Siros.
Interi nuk mund të përballojë të nënshkruajë një kontratë të përhershme me Lukakun dhe ka qenë në bisedime me Chelsean për një marrëveshje të re huazimi.
Mbetet për t'u parë nëse Lukaku do të pranonte të bashkohej me rivalët e qytetit të Interit, duke pasur parasysh se ai po shtyn drejt mundësisë të qëndrojë me zikaltrit dhe e detyroi Chelsean ta huazojë atë në Inter verën e kaluar pas vetëm një sezoni në Stamford Bridge.
