Lukaku e rikonsideron si mundësi Al Ahlin pasi bisedimet Chelsea – Inter kanë ngecur
TUTTOmercatoWEB raporton se Romelu Lukaku ka filluar ta rikonsiderojë si mundësi kalimin te Al Ahli, pasi bisedimet mes Chelseat dhe Interit për të tani kanë ngecur.
Rikthimi i të huazuarit te zikaltrit nuk filloi mirë këtë sezon, por ai filloi t'i kthente gjërat në fazat e fundit të sezonit, duke shënuar shtatë gola në shtatë ndeshjet e tij të fundit në Serie A.
Chelsea dhe Inter nuk përfshinin një klauzolë që do ta bënte lojtar të zikaltërve në marrëveshjen e huazimit të Lukakut vitin e kaluar, kështu që duhet të arrihet një marrëveshje e re për të mbajtur sulmuesin në kryeqytetin e Lombardisë. Bisedimet mes dy palëve kanë vazhduar gjatë javëve të fundit.
TMW raporton se negociatat mes Chelseat dhe Interit janë në ngërç sepse të parët janë të interesuar vetëm për një shitje përfundimtare dhe jo për një huazim tjetër, diçka që këta të fundit nuk kanë aftësitë financiare për ta realizuar.
Në këtë situatë, Lukaku raportohet se ka filluar t'i rrijë hapur idesë për të shkuar në Arabinë Saudite, me Al Ahli që ka pasur një qasje të re ditët e fundit. 30-vjeçari me sa duket i kishte mbyllur derën ofertës pas shfaqjes së tyre fillestare, por tani thuhet se po e rishqyrton.
TMW - Stallo tra l'Inter e Lukaku per il ritorno in nerazzurro. E il belga apre all'ipotesi Arabia https://t.co/LctoQ53MPs
— TUTTOmercatoWEB (@TuttoMercatoWeb) June 21, 2023
