Simeone: Griezmann i ka dhënë gjithçka Francës
Sulmuesi Antoine Griezmann i ka dhënë gjithçka kombëtares së Francës, kështu ka deklaruar trajneri Diego Simeone, i cili më pas shtoi se pensionimi do ta lejojë lojtarin të përformojë më mirë në klub.
Griezmann njoftoi pensionimin nga Franca muajin e kaluar, duke qenë ndër lojtarët më të rëndësishëm të dekadës, pasi iu ndihmoi ta fitojnë Kupën e Botës 2018 dhe të jenë nënkampion më 2022.
Para ndeshjes të Ligës së Kampionëve, Simeone ka dhënë fjalë të mira për Griezmannin, nga i cili tani pret më shumë sepse do të jetë i fokusuar vetëm në klub.
“Besoj se Antonio e ka dhënë të gjithë talentin, lojën dhe lidershipin te Franca. Ka fituar trofe, e ndryshuar stilin e lojës dhe dha gjithçka deri në ditën e pensionimit”.
“E njëjta po ndodh tek ne, është lojtar jashtëzakonisht i rëndësishëm. Tani nuk do t’i ketë ndeshjet e kombëtareve që zakonisht i shtonin tendosje të konsiderueshme, andaj shpresojmë të vazhdojmë të gëzohemi me potencialin që ka”.
Simeone përndryshe dha lëvdata edhe për Julian Alvarezin, i cili ka nisur të përshtatet në stilin e “Los Rijoblancos”.
“Julian po përmirësohet çdo ditë, po përshtatet në skuadër dhe qytet. Po tregon të gjithë kualitetin unik që posedon. Nuk kam dyshime se do ta bëjë dallimin”.
