Shpërthen një zjarr në Stamboll, stadiumi i finales përfshihet nga tymi

Stadiumi Attaturk, ku do të zhvillohet finalja e Ligës së Kampionëve është përfshirë nga një tym i madh shkaku i një zjarri aty pranë, që ndodhi para disa orëve.

Stadiumi mahnitës i Stambollit do të jetë nikoqir i një tjetër finale historik, ku këtë herë Man City do ta mirëpres gjigantin italian, Inter Milan.

Disa imazhe të shfaqura në rrjetet sociale tregojnë se tifozët e Man Cityt dhe Interit kanë mbetur të bllokuar gjatë rrugës nga parku zyrtar i tifozëve, një udhëtim i shkurtër që ka marrë shumë më shumë se një orë.

Disa nga tifozët janë larguar nga transporti duke vrapuar në anë të rrugës duke kaluar trafikun e pafund.

Kjo situatë duket se erdhi shkau i një shpërthimi të zjarrit në një fabrikë disa metra larg stadiumit.

Tymi ishte aq i errët sa u pa edhe mbi stadium, me zjarrfikësit që po punojnë për ta shuar sa më parë, e deri më tani nuk ka asnjë tregues se nëse mund të ndikojë në kohën e fillimit të finales.