Shaqiri prezantohet te Baseli: I refuzova të gjitha ofertat, dua ta kthej klubin ku ishte
Sulmuesi Xherdan Shaqiri është i lumtur që është rikthyer te Baseli, me synimin ta kthejë klubin ku ishte vite më parë.
Pas largimit nga Chicago Fire, Shaqa nuk vonoi shumë dhe zgjodhi të rikthehet te klubi i fëmijërisë, Basel.
Në konferencë për media, Shaqiri deklaroi se nuk mendoi gjatë për të ardhmen ngase kishte vendosur të luante sërish për Baselin.
“Baseli pyeti vëllain tim dhe menaxhmentin relativisht herët se cila ishte situata ime. Isha i tronditur që FCB m’u afrua. Unë kisha ende një kontratë me Çikagon dhe duhej ta zgjidhja atë së pari. Ishte gjithmonë e qartë për mua se nëse do të kthehesha në Zvicër, do të ishte vetëm në FCB. Për mua është një kthim në shtëpi”.
“Unë jam gjithmonë shumë pozitiv dhe do të mbetem gjithmonë i tillë. FC Basel gjithmonë përpiqet për sukses, ashtu si unë. Është klubi më i madh në Zvicër. Unë di të fitoj tituj këtu. Por edhe unë jam me këmbë në tokë. Sigurisht, FCB nuk ka fituar asnjë titull në vitet e fundit, kështu që ju duhet të qëndroni të përulur. Qëllimi është që klubi të kthehet aty ku ishte”.
“Sigurisht që kam pasur edhe oferta të tjera. Për mua, Baseli nuk ishte zgjedhje për para. Këtu është zemra ime dhe krenari ta vesh këtë fanellë. Kjo ishte arsyeja se e dija se do të arrinim një marrëveshje”.
I pyetur nëse do ta merrte shirtin e kapitenit, Shaqa shtoi se është lider edhe pa shirit.
“Si lojtar, kam qenë gjithmonë kapiten, pavarësisht nëse e kam pasur shiritin apo jo. Unë do të shkoj përpara. Trajneri do të vendosë nëse do të bëhem kapiten, por është herët për të folur për këtë”.
