Ruben Amorim ende pa vizë për të punuar te Manchester Unitedi
Te Manchester Unitedi janë të bindur që trajneri i ri Ruben Amorim, do ta marrë lejen e punës para ndeshjes së parë të tij në krye të Djajvë të Kuq.
Amorim është emëruar si pasardhësi i Erik ten Hag në Old Trafford, por 39-vjeçari është në pritje të një vize që do t'i lejojë atij të fillojë zyrtarisht punën.
Një burim i United tha se procesi "po ecën pozitivisht" dhe klubi nuk parashikon ndonjë problem që do ta pengonte Amorimin të jetë në linjën e kontaktit në Portman Road më 24 nëntor.
United është në pritje të vizave edhe për stafin e Amorimit përpara se të shpallë zyrtarisht përbërjen e skuadrës së tij.
Ruud van Nistelrooy, trajneri kujdestar për katër ndeshjet e fundit pas shkarkimit të Ten Hag, u largua nga klubi të hënën.
Rene Hake, Jelle ten Rouwelaar dhe Pieter Morel gjithashtu janë larguar, por Darren Fletcher do të qëndrojë.
Amorim mbërriti në Mançester të hënën dhe u dërgua menjëherë në Carrington ku u takua nga CEO Omar Berrada, drejtori sportiv Dan Ashworth dhe drejtori teknik Jason Wilcox.
Të martën, ai u takua me një grup lojtarësh që i nënshtroheshin punës rehabilituese në Carrington, duke përfshirë Luke Shaw, Leny Yoro, Kobbie Mainoo dhe Mason Mount. Shumica e skuadrës janë ose në detyrë ndërkombëtare ose me pushime dhe nuk do të paraqiten deri në fillim të javës së ardhshme.
Trajnerit portugez iu bë një turne në Old Trafford të enjten.
Një burim i ka thënë ESPN se Amorim nuk do të marrë pjesë në një konferencë zyrtare për shtyp dhe në vend të kësaj do të përballet me mediat për herë të parë përpara udhëtimit në Ipswich. Ai do të flasë me kanalin televiziv të brendshëm të klubit MUTV më parë në intervistën e tij të parë si trajner i ri i United.
Pas marrjes së drejtimit kundër Ipswich, ndeshja e parë e Amorin në Old Trafford do të jetë vizita e skuadrës norvegjeze Bodo/Glimt në Ligë të Evropës më 28 nëntor.
