Rrahmani pas përballjes me Interin: Barazimi më i mirë se humbja, ishte vështirë
Kapiteni i Kosovës Amir Rrahmani është ndarë i kënaqur me pikën e fituar të Napolit ndaj Interit.
Qendërmbrojtësi ishte mahnitës në “San Siro”, ku e fitoi edhe çmimin e lojtarit më të mirë të ndeshjes.
Pas ndeshjes për “DAZN”, Rrahmani tha se ishte shumë përballje e vështirë por është i lumtur me këtë pikë të fituar.
“E kemi bërë këtë punë për një kohë të gjatë, barazimi është më i mirë se humbja. Le të vazhdojmë kështu, kemi shumë ndeshje para nesh”.
“Me vëmendjen e duhur duhet të përballemi në secilën ndeshje. Ishte shumë vështirë, ishin katër sulmues të fortë. Ishte vështirë për ne”.
“Lojtari më i mirë i ndeshjes? Me Simeonen dhe të tjerët qeshëm së bashku. Kemi gjetur gëzimin si grup së bashku sërish”, deklaroi ai.
Napoli është lider në Serie A me 26 pikë, ndërsa Rrahmani tani do t’i bashkohet Kosovës në dy përballjet e vështira ndaj Rumanisë, respektivisht Lituanisë.
