Roma e gatshme ta shesë Dybalan që në janar

Agjenti i Paolo Dybalas, Carlos Novel, ka takuar drejtorët e Galatasarayt për të diskutuar një transferim të mundshëm në janar dhe sipas mediumeve të afërta me Romën, skuadra nga kryeqyteti është e gatshme ta shesë argjentinasin në muajin janar.

Dybala mund të largohet nga Roma në afatin kalimtar të janarit dhe agjenti i tij, Carlos Novel, u takua me drejtorët e Galatasaray të hënën.

Novel u pa në tribuna për të parë fitoren 4:3 të Gala ndaj Trabzonspor mbrëmë së bashku me një ndërmjetës, George Gardi.

Kontrata e Dybala në Stadio Olimpico skadon në qershor 2025, dhe sipas Gazzetta, Roma është gati të lëshojë La Joya falas muajin e ardhshëm.

Si Gazzetta ashtu edhe Gianluca Di Marzio, megjithatë, pretendojnë se Dybala nuk është i sigurt për lëvizjen te Galatasaray në mes të sezonit. Gazetari italian shton se Dybala do të ndryshojë mendje vetëm nëse Roma konfirmon hapur dëshirën e saj për ta shitur atë.

Dybala do të zgjasë automatikisht kontratën e tij prej 7 milionë euro në vit për një sezon më shumë nëse ai kryen shtatë paraqitje të tjera këtë sezon, duke luajtur të paktën 45 minuta në çdo ndeshje.

Roma nuk ka hapur bisedimet për një marrëveshje të re, duke sugjeruar se argjentinasi nuk është pjesë e planeve të tyre afatgjata.