Rodri e Morata dënohen nga UEFA për sjellje jo të mirë në EURO 2024
Alvaro Morata dhe Rodri janë dënuar me nga një ndeshje moslojë nga UEFA për shkak të sjelljeve të tyre jo të mira gjatë paradës së Spanjës ku festuan triumfin e tyre në EURO 2024.
UEFA i ka dënuar Moratan dhe Rodrin nga një ndeshje për shkak të sjelljes së keqe gjatë paradës së fituesve të Euro 2024 në Spanjë, sipas The Athletic. Dyshja u filmuan duke kënduar "It's Spanish, Gibraltar is Spanish", me FA të Gjibraltarit që më pas paraqiti një ankesë në UEFA. Ata pretenduan se kënga ishte "jashtëzakonisht provokuese dhe fyese".
Ndalimi për Moratan dhe Rodrin do të jetë i vlefshëm për të gjitha garat e UEFA-s, që do të thotë se do të hyjë në fuqi për sezonin e tyre në Ligën e Kombeve. Spanja do të jetë pa sulmuesin dhe mesfushorin për ndeshjen kundër Serbisë më 5 shtator.
Deklarata e UEFA-s shpjegoi se dyshja janë ndaluar për shkak të "mospërmbushjes së tyre me parimet e përgjithshme të sjelljes, për shkeljen e rregullave bazë të sjelljes së denjë, për përdorimin e ngjarjeve sportive për manifestime të natyrës josportive dhe për sjelljen e këtyre temave në sportin e futbollit, dhe UEFA-s në veçanti, në reputacion”.
Ndërsa ndalimi ka hyrë në fuqi menjëherë, ai nuk do të ndikojë në ndeshjet e futbollistëve me klube. Rodri ka të ngjarë të luajë për Manchester Cityn kundër Manchester United në Community Shield këtë fundjavë, ndërsa Morata do të bëjë debutimin e tij në AC Milan kundër Torinos më vonë këtë muaj.
