Rita Ora pozon me fanellën e mrekullueshme të Genoas për 130-vjetorin që do të vishet nga klubi kundër Interit

Ylli botëror i muzikës, Rita Ora, ka pozuar me fanellën e 130-vjetorit të Genoas, gjë që ishte e papritur për tifozët e futbollit. Kjo fanellë e bukur do të vishet nga klubi italian në ndeshjen kundër Interit.

Të mërkurën këngëtarja britanike postoi një foto në story të saj në Instagram duke modeluar me fanellën e 130-vjetorit të Genoas. Klubi historik i Serie A do të veshë fanellat e arta në ndeshjen e tyre me Interin të premten në mbrëmje.

Në një deklaratë, CEO i Genoa-s, Andrez Blazquez tha: "Genoa CFC është një klub historik, me origjinë dhe realitet kozmopolit. Qëkur pronësia e re mori përsipër klubin, ne duam të theksojmë më tej markën e fuqishme Genoa dhe të angazhohemi me ndikues dhe të famshëm që e duam futbollin dhe identifikohemi me vlerat dhe historinë e markës sonë. Ne besojmë se kjo është një mënyrë e shkëlqyer për të ekspozuar Genoa CFC ndaj audiencave të reja në mbarë botën."

Genoa zbuloi modelin përkujtimor të fanellës në shtator. Kur të dalin në fushë në të premten, do ta bëjnë këtë nga vendi i 13-të në tabelë, 25 pikë prapa liderit të Serisë A, Interit.

Genoa do ta ndjekë përballjen e tyre me Interin me një udhëtim të vështirë në Bolognën më 5 janar. Pas kësaj, ata do të kërkojnë të marrin pikët maksimale nga ndeshjet e 'fitueshme' kundër Torinos, Salernitana, Lecce dhe Empoli.