Renditja në Ligën e Kampionëve: Liverpooli e Interi afër kualifikimit në 1/8 e finales
Liverpooli vazhdon të mbetet skuadra e vetme me të gjitha fitore pas pesë xhirove në formatin e ri të Ligës së Kampionëve, por Inter, Barcelona, Dortmund e Atalanta, janë gjithashtu shumë afër ta sigurojnë kalimin në fazën e eliminimit direkt.
Formati i ri i Ligës së Kampionëve, i sheh të gjitha skuadrat në një tabelë, duke luajtur në formë të një lige.
Tetë skuadrat e para kalojnë direkt në 1/8 e finales, ndërsa nga vendi i nëntë deri në 24 luajnë në play-off për tetë vendet e mbetura, 25 deri në 36 eliminohen direkt.
Liverpooli shënoi fitoren e radhës, duke mposhtur 2:0 Real Madridin dhe tani kanë 15 pikë, ku tashmë kanë garantuar të paktën një vend në play-off.
Interi është në vendin e dytë me 13 pikë, duke mos pësuar gol e asnjë humbje. Një fitore, praktikisht do të thoshte garantimin e një vendi në top tetë. Atalanta në anën tjetër, nuk është larg, pasi gjendet në vendin e pestë me 11 pikë.
Interi dhe Atalanta janë të vetmet skuadra italiane momentalisht në top 8. Milani tashmë ka kaluar Juventusin me pikë dhe gjendet në vendin e 16-të, me Zonjën e Vjetër tri pozita më poshtë. Bologna është skuadra italiane më e dështuar në Ligë të Kampionëve këtë sezon, pasi ka vetëm një pikë në pesë ndeshje dhe pranë eliminimit.
Befasia më e madhe është kampioni në fuqi, Real Madridi. Mbretërit kanë vetëm gjashtë pikë dhe janë në vendin e fundit që dërgon në play-off.
Paris Saint-Germain, në anën tjetër kanë vetëm katër pikë dhe janë në zonën e eliminimit direkt.
Deri në përfundim të Fazës së Ligës së Ligës së Kampionëve janë edhe tri xhiro.
Renditja momentale pas pesë javëve të para:
