Real Madridi mbetet me shpresë për transferimin e Mbappes, e ruan numrin 9-të për yllin francez
Real Madridi vazhdon të mbetet me shpresë për një nënshkrim të mundshëm me yllin e Paris Saint-Germain, Kylian Mbappe, këtë verë, sipas burimeve të ESPN-së.
Ekziston një hezitim për të folur hapur për ardhjen e Mbappes në Bernabeu pas kthesës së papritur të verës së kaluar që e pa francezin të pajtohet për një kontratë të re me PSG-në kur ai ishte në prag të një lëvizjeje në Madrid.
Qëndrimi publik i klubit është se aktiviteti i tyre në tregun e transferimeve ka përfunduar pas nënshkrimeve të Jude Bellingham, Joselu, Fran García dhe Brahim Díaz. Megjithatë, realiteti është se klubi e ka lënë bosh fanellën me nr. 9 që i përkiste Karim Benzema para largimit të tij për në Al Ittihad, sepse ka ende shpresë që Mbappé mund të jetë transferimi i fundit i këtij afati kalimtar veror.
Burimet i kanë thënë ESPN se nuk ka pasur ndonjë përparim të dukshëm që kur Mbappe njoftoi më 12 qershor se kishte informuar PSG-në se nuk do të ushtronte një opsion për të zgjatur kontratën e tij përtej vitit 2024.
Në publik, Mbappé vazhdon të insistojë se ai dëshiron të vazhdojë në PSG për një sezon më shumë, por burime të shumta i kanë thënë ESPN se lojtari dëshiron të nënshkruajë për Madridin këtë verë, dhe se PSG do të donte të shmangte humbjen e tij si një lojtar i lirë vitin e ardhshëm, me Real Madridin që është i gatshëm të bëjë një përpjekje të konsiderueshme për të parë Mbappen të udhëheqë sulmin e tyre së bashku me Vinícius Júnior dhe Rodrygon.
Mbretërit janë në gatishmëri dhe shpresojnë se ndjekja e tyre afatgjatë mund të japë fryte këtë verë, duke ditur se PSG do të dëshironte të lehtësonte shpenzimet e tyre në përputhje me kufizimet financiare të Fair Playt.
Një burim i tha ESPN se një sagë e zgjatur e transferimeve gjatë verës nuk pritet këtë herë.
Trajneri i Madridit, Carlo Ancelotti, donte ta shihte linjën e tij sulmuese të forcuar verën e kaluar me një mbështetje për Benzeman dhe kjo nevojë është edhe më e madhe tani që fituesi i Topit të Artë është larguar për në Arabinë Saudite.
Trajneri italian e sheh reprezentuesin spanjoll Joselu -- të nënshkruar në formë huazimi nga Espanyol -- si një alternativë dhe jo si titullar dhe fakti që atij iu caktua numri 14, dhe jo numri nëntë i Benzemas, tregon që klubi nuk e ka mbyllur derën edhe për një transferim të fundit.
Real Madridi nuk arriti të mbrojë titujt e tyre në La Liga dhe Ligën e Kampionëve sezonin e kaluar – duke fituar Kupën e Mbretit, Superkupën e UEFA-s dhe Kupën e Botës për Klube, prandaj ka presion për të përmirësuar sezonin e ardhshëm në aspektin e trofeve.
Ky presion është rritur duke pasur parasysh se klubi planifikon të zbulojë stadiumin e ri të rindërtuar në dhjetor, përfundimi i një projekti vendimtar për presidentin Florentino Pérez.
