Rashford e zbulon dhuratën speciale nga Ronaldo, thotë se askush nuk lejohet ta prekë
Ylli i Manchester Unitedit, Marcus Rashford, ka thënë se asnjëherë nuk i ka veshur këpucët e dhuruara nga Cristiano Ronaldo në vitin 2018, duke shtuar se ato askush nuk guxon t’i prekë.
Reprezentuesi anglez mori një dhuratë speciale nga superylli portugez Ronaldo, ndërsa pesë herë fituesi i Topit të Artë po shkonte drejt largimit nga Real Madrid. Dyshja më vonë do të bëheshin bashkëlojtarë në Old Trafford në verën e vitit 2021.
Rashford ka qenë gjithmonë një fans i madh i një nga lojtarëve më të mëdhenj të, të gjitha kohërave dhe ishte i kënaqur të merrte pronësinë e një palë këpucësh Nike Air Max 97 CRY Red në prill të vitit 2018. Këpucët e përmendura kishin vlerë 145 funte në atë kohë, por vlera sentimentale është se ato janë të paçmueshme për Rashford.
Më shumë se pesë vjet pas marrjes së një dhurate nga Ronaldo, Rashford i ka thënë Sneaker Shopping pse nuk i kanë zbukuruar kurrë këmbët e tij me ato: “Askush nuk mund t'i prekë ato! Ai ishte një nga lojtarët e mi të preferuar gjatë rritjes. Më pëlqeu këpuca, do të doja t'i veshja këpucët, por nëse i ngatërroja ato, atëherë nuk e di se çfarë do t'i bëja vetes. Pra, më mirë t'i mbaj ato larg.”
