Raphael Varane pensionohet nga futbolli

Ish-ylli i Real Madridit e Manchester Unitedit, Raphael Varane, ka njoftuar pensionimin e tij nga futbolli në moshën 31-vjeçare, pasi pësoi një lëndim të tmerrshëm me skuadrën nga Serie A, Como.

31-vjeçari ka vuajtur nga një sërë problemesh, veçanërisht me gjurin e tij, që do të thotë se ai u rreshtua vetëm një herë për Como pasi u bashkua me ta në një transferim të lirë në verë pas largimit të tij nga Old Trafford. Varane nuk pritej të kthehej për disa muaj dhe Como as nuk e regjistroi atë si pjesë e skuadrës së Serie A. Ai tani ka vendosur të varë çizmet në vend që të vazhdojë luftën për fitnes, duke e konfirmuar lajmin me një deklaratë emocionuese.

Varane letrën lamtumirëse e nisi me fjalët: "Thonë që gjërat e mira, duhet të marrin fund."

Reprezentuesi i Francës me 93 paraqitje, i cili u largua nga detyra ndërkombëtare në shkurt 2023, do të tërhiqet nga futbolli si katër herë fitues i Ligës së Kampionëve dhe gjithashtu ka fituar Kupën e Botës, së bashku me shumë tituj të tjerë. Ai ka luajtur për dy nga klubet më të mëdha në botë në Real Madrid dhe Manchester United, dhe nuk ka diçka tjetër më shumë për të arritur në futboll.

Varane ishte kontraktuar me Como deri në vitin 2026 , por kjo marrëveshje tani do të prishet dhe skuadra e Serisë A mund të fillojë kërkimin për zëvendësuesin e tij. Como ka një përplasje në shtëpi kundër Veronës të dielën, e cila mund të jetë lamtumira e fundit e mbrojtësit ndaj tifozëve personalisht.