Ramadani: Edhe nëse s’ftohem në Evropian do ta mbështes Shqipërinë

Mesfushori Ylber Ramadani thotë se do ta mbështet Shqipërinë edhe nëse s’merr ftesë në Kampionatin Evropian “Euro 2024”.

Përzgjedhësi Sylvinho iu ka “futur frikën” lojtarëve, duke lënë jashtë Arbnor Mujën e Mirlind Dakun në ndeshjet e marsit, pavarësisht që të dy luajtën rol të rëndësishëm në kualifikuese.

Ramadani në konferencë për shtyp ka bërë të ditur që edhe nëse nuk ftohet, do ta mbështet nga afër Shqipërinë. Ndër të tjera, ai foli edhe për humbjen ndaj Kilit si dhe përballjen kundër Suedisë.

Një humbje që la një shije të hidhur, a ishte një mësim ndeshja me Kilin? – Jemi duke u përballur me dy kundërshtarë të nivelit të lartë dhe ndeshja me Kilin na shërbeu të ulemi me këmb në tokë dhe të mendojmë shumë seriozish, sepse këto dy ndeshje janë si sfidat e Europianit që do t’i kemi në të ardhmen.

Si është atmosfera brenda grupit? – Atmosfera është fantastike, si gjithmonë jemi të bashkuar. E dimë që nuk kemi bërë mirë me Kilin, por do të futemi nesër në fushë për të bërë maksimumin.

Çfarë duhet të ndryshojë ekipi ndaj Suedisë? – Duhet të ndryshojë qasje, të futemi nga minuata e parë seriozisht, mos ta marrim të lehtë ndeshjen. Suedia është një ekip shumë i fortë por ne do të futemi në fushë që të bëjmë maksimumin.

Lista finale për Europianin? – Zgjidhjet i bën trajnerit, ne duhet t’i tregojmë atij që e meritojmë të jemi aty. Nuk mendojë që është një problem, por duhet të bëjmë maksimumin. Unë them gjithmonë i pari është grupi edhe nëse jam në Europian edhe nëse s’jam gjithmonë do i mbështes.

Cili është mesazhi për tifozët e Kombëtares? – E thash edhe më parë, ndoshta ndeshjen me Kilin e morëm pak lehtë, por nesër duhet të futemi nga minuta e parë dhe të japim maksimumin.

Sa e vështirë është të përballeni me Suedinë pas disfatës me Kilin? – Këto ndeshje janë zgjidhur që ne të përgatitemi për Europian. Suedia është një ekip i fortë fizikisht, por ne do të futemi nesër që të bëjmë lojën tonë.