PSG dhe Chelsea në 'alarm', Lyon dëshiron ta shesë yllin francez në janar

Reprezentuesi i Francës U21, Ryan Cherki, është futur në listën e largimeve të Lyon dhe skuadra franceze është e gatshme ta shesë për 20 milionë euro, pasi lojtari i talentuar ka hasë në vështirësi të përshtatet në këtë sezon me skuadrën, pavarësisht pritjeve për të.

Lyon është i gatshëm të shesë lojtarin e tyre këtë dimër, vetëm 12 muaj pasi refuzoi interesimin si nga Chelsea ashtu edhe nga PSG. Sipas Foot Mercato, shtatë-herë kampionët e Ligue 1 kanë vendosur një çmim prej 20 milionë euro – edhe pse ata shpresojnë për një tarifë më të lartë për një talent të ri premtues.

Cherki u etiketua si një yll i ardhshëm gjashtë muaj më parë dhe është ndjekur nga Chelsea, PSG dhe West Ham në pika të ndryshme gjatë 12 muajve të fundit. Por ai nuk ka arritur të ndërtojë potencialin e tij këtë vit, duke regjistruar vetëm një asistim për një skuadër të Lyonit që mund të përballet me një rënie shokuese nga Ligue 1.

Ish-trajneri i Lyonit ishte kritik ndaj Cherki muajin e kaluar, ku u duk se zhvlerësoi potencialin e lojtarit në një konferencë për shtyp: "A është ai një lojtar i veçantë? Ai është një lojtar; ai nuk është një lojtar i veçantë. Ai është një lojtar si çdo tjetër, megjithëse me disa shtesa, por nuk janë vetëm cilësitë teknike që kanë rëndësi, ka edhe cilësi mendore dhe atletike. Ai ka aftësi të mëdha teknike, por duhet të punojë për të tjerat."

20-vjeçari do të shpresojë të përfshihet në skuadër teksa Lyon do të përballet me Toulouse. Mbetet për t'u parë nëse ai do të mbetet në klub përtej dy muajve të ardhshëm, me PSG dhe Chelsea që ka të ngjarë të luftojnë për nënshkrimin e tij nëse ai lejohet të largohet.