Policia franceze e arreston një person që po planifikonte sulm në Lojërat Olimpike
Ministri i Punëve të Brendshme i Francës, Gerald Darmanin, tha se autoritetet e sigurisë kanë arritur ta prishin një plan të një personi që kishte për cak sulmin në një ngjarje futbolli në Lojërat Olimpike të Parisit.
Darmanin tha në një deklaratë se anëtarët e Drejtorisë së Përgjithshme të Sigurisë së Brendshme arrestuan një 18-vjeçar nga Çeçenia, Rusi, më 22 maj me dyshimin se qëndronte pas një plani për të sulmuar ngjarjet e futbollit që do të mbahen në qytetin e Saint-Etienne, në jugperëndim të Lionit.
Sipas hetimeve fillestare, burri po përgatiste një sulm që synonte stadiumin Geoffroy-Guichard, i cili do të presë disa ndeshje futbolli gjatë Lojërave Verore. Sulmi i planifikuar ishte për të synuar spektatorët dhe forcat e policisë, thuhet në deklaratë. I dyshuari donte të sulmonte ngjarjet olimpike "për të vdekur dhe për t'u bërë martir", thuhet gjithashtu në deklaratë.
Lojërat Olimpike të Parisit do të zhvillohen nga 26 korriku deri më 11 gusht. Ndeshjet e futbollit do të zhvillohen në qytete anembanë Francës përpara finales në Stade de France të Parisit.
