Policia e Spanjës arreston gjashtë persona që grabitën shtëpitë e futbollistëve të La Ligës

Policia spanjolle ka ndërmarrë një aksion ditë një muaj më parë por që u zbulua sot, ku janë arrestuar gjashtë persona të dyshuar për grabitje të shtëpive të tetë individëve të pasur në Madrid, duke përfshirë lojtarë të La Ligës, si Radamel Falcao e Rodrygo Goes.

Pesë burra dhe një grua u arrestuan dhe policia sekuestroi 10 ora, bizhuteri, 3,300 euro (3,600 dollarë) në para të gatshme dhe dy pistoleta ajrore, tha policia në një deklaratë.

Arrestimet u bënë më 13 shkurt, por u zbuluan vetëm këtë javë.

Vargu i vjedhjeve u kryen që nga korriku i vitit 2022 në lagjet e pasura në Madrid dhe përreth saj, sipas policisë.

Kolumbiani Falcao, një lojtar i klubit të La Ligës, Rayo Vallecano, dhe braziliani Rodrygo, i cili luan për Real Madridin, ishin mes viktimave, tha një burim policor për Reuters.

Policia tha se të dyshuarit treguan një "shkallë të lartë profesionalizmi" duke studiuar videot dhe fotografitë që lojtarët dhe rrethi i tyre shpërndanë në mediat sociale për të mbledhur informacion në lidhje me paraqitjen e shtëpive dhe kur banorët e atyre shtëpive ishin larg.

Të dyshuarit gjithashtu kontrolluan sistemet e sigurisë për të përcaktuar se si të hynin brenda, shtoi policia.