Pique përshëndetet me Camp Nou dhe Barcelonën
Legjenda e Barcelonës, Gerard Pique u duartrokit emocionalisht teksa bëri paraqitjen e tij të fundit në Camp Nou në fitoren e katalunasëve 2-0 në La Liga ndaj Almerias.
Ai u zëvendësua në minutën e 84-të dhe me lot përqafoi të gjithë bashkëlojtarët e tij përpara se të dilte jashtë për të bërë të njëjtën gjë me shefin Xavi dhe të gjithë stolin e Barçës.
35-vjeçari do të tërhiqet nga futbolli pas udhëtimit të së martës në Osasuna, megjithëse nuk është e sigurt se do të luajë në atë ndeshje.
Kishte disa homazhe për të në natën e tij të lamtumirës në Nou Camp.
Pique, i cili u emërua kapiten, shkoi në fushë me dy djemtë e tij, pasi të gjithë shokët e tij të skuadrës mbanin bluza me emrin e tij dhe numrin tre në shpinë.
Kishte një pankartë të madhe në fushë që thoshte 'Sempr3' (For3ver) dhe një video që festonte karrierën e Piques u luajt në ekranin e madh edhe për fansat.
Barcelona fitoi një penallti të hershme me tifozët e tyre duke brohoritur që Pique ta ekzekutonte atë. Por spanjolli nuk e mori përgjegjësinë por Robert Lewandowski, i cili e goditi shtyllën.
Pique, i cili shënoi 53 gola për Barcelonën, pati një shans me kokë që shkoi mbi portë dhe pati një tjetër i cili u prit nga portieri, Fernando Martinez.
Ousmane Demble dhe Frenkie de Jong shënuan golat e pjesës së dytë për të marrë Barcelonën në krye të La Ligës.
Pas përfundimit të takimit, Pique u kthye në fushë për të duartrokitur tifozët dhe u hodh në ajër nga shokët e tij të skuadrës.
Ish-mbrojtësi spanjoll njoftoi vendimin e tij të enjten, pavarësisht se i kanë mbetur 18 muaj në marrëveshje, dhe largimi i tij do të ndihmojë Barçën me faturën e pagave.
Pique fitoi 30 trofe dhe bëri 616 paraqitje për Barçën pasi u bashkua në vitin 2008 nga Manchester United.
Barcelona thuhet se e ka vënë Piquen nën presion për t'u larguar për të lehtësuar çështjet e tyre financiare. Ai ishte qendërmbrojtësi i tyre i pestë këtë sezon, dhe është paraqitur vetëm 10 herë.
Pique gjendet në top pesë lojtarët që ka zhvilluar më së shumti ndeshje për Barcelonën - me katër lojtarët mbi të, të gjithë bashkëlojtarët në një kohë ose në një tjetër - Lionel Messi (778), trajneri, Xavi Hernandez (767), mesfushori aktual i Barcelonës Sergio Busquets (694) dhe Andres Iniesta (674).
Vetëm Messi (35) dhe Iniesta (32) fituan më shumë trofe për Barçën se Pique.
Pique ishte gjithashtu pjesë e triumfeve të Spanjës në Kupën e Botës 2010 dhe Euro 2012. Me 102 paraqitje para pensionimit të tij ndërkombëtar në vitin 2018, ai është një nga vetëm 13 lojtarët që ka bërë 100 paraqitje për Furinë e Kuqe.
Karriera e tij si profesionist filloi me Manchester United, duke luajtur 23 herë dhe gjithashtu duke pasur një periudhë huazimi me Real Zaragoza në atë kohë.
Ai bëri 13 paraqitje në ekipin e parë në 2007-08 kur United fitoi Community Shield, Premierligën dhe Ligën e Kampionëve - përpara se të kthehej në Barca katër vjet pasi u largua nga gjeneratat e reja.
