Përplasje te Roma, lojtarët kërkojnë më shumë ide taktike nga Mourinho
Një grup i lojtarëve dhe trajneri Jose Mourinho kanë pasur një përplasje të madhe në dhomën e zhveshjes pas humbjes nga AC Milani.
“Romakët” u mposhten nga “Rossonerët” me rezultat 2:1, që nënkupton se kanë vetëm një pikë në tre xhirot e para.
Mourinho që nuk ishte në fushë në dy ndeshjet e para shkaku i suspendimit, u rikthye në humbjen e të premtes në “Olimpico”.
Sidoqoftë, tekniku portugez refuzoi të flet për media pas humbjes dhe “Radio Radio” insiston se e tëra ka ndodhur shkaku i një situatë mjaftë të tensionuar në dhomën e zhveshjes.
Raporti shton se nuk ishte vetëm sulm i Mourinhos ndaj lojtarëve, por që grupi iu kundërpërgjigj duke kërkuar më shumë përmirësim në aspektin taktik në mënyrë që të rritet stili i lojës.
Mourinho thuhet se nuk ka qenë aspak i kënaqur me paraqitjen e lojtarëve ndaj Milanit sidomos në pjesën e parë duke kërkuar që mos të varen gjithnjë nga Paulo Dybala, me një grup të lojtarëve që s’janë pajtuar në këtë aspekt.
"Mi aspetto smentite ma questa è la sacrosanta verità. La differenza sta nella risposta dei calciatori che hanno richiesto al tecnico portoghese una maggiore applicazione tattica". #roma #mourinho https://t.co/Xp9ebaIMO5
— Radio Radio (@RadioRadioWeb) September 4, 2023
Paulo Dybala dhe Renato Sanches ishin të lënduar, derisa Romelu Lukaku debutoi në pjesën e dytë.
Këtë edicion, Roma përpos Milanit është mposhtur edhe nga Hellas Verona, derisa kanë barazuar me Salernitanan.
