Pasi nënshkroi me 12 lojtarë në këtë afat kalimtar, Chelsea po kërkon të shesë nëntë futbollistë

Raportohet se Chelsea është duke tentuar të shesë nëntë apo më shumë futbollistë në këtë afat kalimtar, pasi me Pedro Neton u bënë 12 nënshkrime nga skuadra londineze vetëm këtë verë.

Chelsea ka qenë më aktivi në mesin e klubeve më të mira në Evropë, pasi ka nënshkruar tashmë me 12 lojtarë në afatin kalimtar të verës. Ata kanë afër 45 lojtarë në ekipin e tyre të parë aktual, megjithatë, klubi po planifikon të shesë edhe nëntë lojtarë të tjerë përpara mbylljes së dritares më 30 gusht, sipas Daily Mail.

Klubi tashmë ka finalizuar një largim për Diego Moreira - i cili iu bashkua si lojtar i lirë sezonin e kaluar - për 1.7 milionë funte (1.9 milionë euro/2.1 milionë dollarë) te klubi simotër Strasburgu. Ata janë gjithashtu pranë finalizimit të lëvizjeve për lojtarë si Romelu Lukaku, Trevoh Chalobah, Armando Broja, David Datro Fofa, Noni Madueke, Carney Chukwuemeka, Cesare Casadei, Bashir Humphreys dhe Raheem Sterling, të cilët janë konsideruar të gjithë si tepricë për nevojat e Enzo Maresca.

Blutë janë gjithashtu pranë shitjes së Conor Gallagher në Atletico Madrid, megjithatë, lëvizja tani mund të dështojë në momentin e fundit pasi transferimi i Samu Omorodion në Stamford Bridge dështoi.

Pavarësisht se tashmë ka nënshkruar me 12 lojtarë, skuadra e Londrës perëndimore raportohet se është në bisedime për të nënshkruar me Joao Felix nga Atletico Madrid dhe mbetet i sigurt për uljen e çmimit të Victor Osmihen nga Napoli përpara përfundimit të afatit.

Pas një sërë rezultatesh zhgënjyese në fazën përgatitore, skuadra e Enzo Marescas do të nisin sezonin e ri të Premierligës të dielën kundër kampionit në fuqi, Manchester Cityt.