Pamje: Ylli i Uruguait tenton ta shkatërrojë pikën e penalltisë, gjyqtari e ndëshkon me të verdhë
Ylli i Liverpoolit dhe Uruguait, Darwin Nunez, u ndëshkua me karton të verdhë në pjesën e parë, pasi gjyqtari kryesor i takimit e vërejti se ai po tentonte ta shkatërronte pikën e penalltisë, nga e cila pak më vonë do të godiste Andre Ayew.
Në çdo përballje mes këtyre dy kombeve do të kishte dramë, pas asaj ndeshje në Botërorin e 2010-ës, kur Luis Suarez ndali një top me dorë në vijën e portës, duke ia pamundësuar golin Ganës në minutat e fundit të takimit.
Portieri i Uruguait, Rochet, shkaktoi një penallti, dhe teksa pritej konfirmimi nga VAR-i, Nunez u pa duke shkelur mbi pikën e bardhë, teksa futbollistët ganez mundoheshin ta largonin lojtarin, ndërsa krejt këtë e pa gjyqtari Daniel Siebert, që e ndëshkoi 23-vjeçarin me të verdhë.
Penalltia u konfirmua dhe Ayew goditi dobët, për t’u pritur nga Rochet.
Pak minuta më vonë Uruguai shënoi dy gola të shpejtë që mbanin emrin e të njëjtit lojtar, Arrascaeta, për të shkuar në pushimin e mes pjesëve me rezultat 2:0.
