Pamje: Skandali i radhës nga Djokovic, i mbështet thirrjet "Kosova është Serbi”
Tenisti serb Novak Djokovic ka vazhduar me mbështetjen nacionaliste, këtë herë gjatë ndeshjes së basketbollit mes Red Star dhe Valencias.
Djokovic ishte i pranishëm në ndeshjen e basketbollit në kuadër të Euroligës, ku Red Star fitoi me rezultat 92:73 ndaj Valencias.
Sidoqoftë, ajo që zuri vëmendjen ishte gëzimi i këtij të fundit kur tifozët po vazhdonin me brohoritjet "Kosova është Serbi".
Për një moment, Djokovic u pa duke tundur kokën sikurse po e ndiente këngën e pastaj e ngriti edhe grushtin lartë për të dhënë mbështetjen e tij.
Për më shumë shikoni videon:
Delije se dozivaju Kosovo - Srbija, Đoković podigao visoko pesnicu pic.twitter.com/IcsgeZx1xC
— Kalabaster (@KalabasterJak) March 29, 2023
Kujtojmë, Djokovicit gjatë javës së kaluar iu mohua dy herë radhazi hyrja në ShBA.
ShBA-ja kërkon që vizitorët të jenë të vaksinuar dhe të kenë dëshmi për këtë të paktën deri më 10 prill. Kësisoj, Djokovic është tërhequr edhe nga turneu “Indian Wells” për të njëjtën arsye.
Djokovic, mungoi vitin e kaluar të US OPEN për shkak të qëndrimit të tij ndaj vaksinës dhe gjithashtu nuk ishte pjesë e Australian Open, pasi ishte dëbuar nga shteti për po të njëjtën arsye. Sidoqoftë, ai kishte deklaruar se preferon të heqë dorë nga pjesëmarrja në Grand Slams se sa të marrë vaksinën kundër Covid-19.
