PAMJE: Ronaldo shënon gol të bukur për epërsinë e Al Nassr ndaj Al Riyadh

Ylli portugez, Cristiano Ronaldo, nuk ka të ndalur këtë sezon. Ai ka shënuar golin e radhës, duke çuar skuadrën e tij Al Nassr në epërsi pas 33 minutave lojë, ndaj Al Riyadh, në ndeshjen e vlefshme për javën e 16-të të Ligës Pro Saudite.

Zhvillohej minuta e 33-të, kur Sadio Mane harkoi në zonë dhe Ronaldo bëri një prekje të thjeshtë, për të shënuar gol të bukur për 1:0.

Kujtojmë se Al Nassr është në vendin e dytë në Ligën Pro Saudite, në ndjekje të liderit Al Hilal, me Ronaldon që kërkon titullin e parë në elitën e Arabisë Saudite.

Në 15 paraqitje (përfshirë ndeshjen e sotme) deri më tani në kampionat, 38-vjeçari ka shënuar 16 gola, ndërsa ka asistuar edhe në tetë raste të tjera, pavarësisht moshës së tij.