Pamje: Neymar përshëndetet me ish-bashkëlojtarët te PSG, përfaqim ‘i sikletshëm’ me Mbappen
Neymar dhe Kylian Mbappe ndanë një përqafim të shkurtër, që në pamje të parë u duk i sikletshëm, ndërsa ylli brazilian i dha lamtumirën Paris Saint-Germainit përpara se të nisej për aventurën e re në Al Hilal.
Braziliani ka bërë lëvizjen në Lindjen e Mesme ku do të fitojë 160 milionë euro gjatë dy sezoneve. Përveç pagave, ai raportohet se bëri një listë të gjatë kërkesash që përfshinte një rezidencë me 25 dhoma, një pishinë dhe sauna, nëntë makina dhe të gjitha shpenzimet e paguara për udhëtime, restorante dhe hotele.
Megjithatë, para se të largohej nga Parisi, ai u sigurua që t'i thoshte lamtumirë secilit prej bashkëlojtarëve dhe trajnerit Luis Enrique në Camp des Loges. Ai u pa gjithashtu duke shkëmbyer një përqafim të shkurtër me një Mbappe të buzëqeshur përpara se të kalonte nëpër një ‘tunel’ me shuplaka. Videoja u shpërnda nga faqja zyrtare e klubit me një mbishkrim ku shkruhej: "Faleminderit @neymarjr! Një lamtumirë e ngrohtë këtë mëngjes në kampin e PSG mes parisienëve dhe Neymar Jr!"
𝗠𝗘𝗥𝗖𝗜, @neymarjr ! ❤️💙
— Paris Saint-Germain (@PSG_inside) August 17, 2023
Un au revoir chaleureux ce matin au Campus PSG entre les Parisiens et Neymar Jr !
✨ #ObrigadoNey pic.twitter.com/LflaYq9lH0
Pretendohet se Neymar ka një marrëdhënie të ftohtë me Mbappen. Në të vërtetë, atij i pëlqeu një postim në Instagram që mbante një raportim nga L'Equipe duke pretenduar se sulmuesi francez i tha PSG-së se nuk kishte më hapësirë që dyshja të bashkëjetonin në klub. Kishte gjithashtu pretendime të bëra në vitin 2022 se Mbappe donte që Neymar dhe 13 të tjerë nga klubi francez, të larguar, një histori që francezi u detyrua ta mohonte publikisht.
Rastësisht, ditën që transferimi i Neymar në Al Hilal u njoftua zyrtarisht nga klubi, Mbappes iu hoq ndalimi dhe ai u rikthye në skuadër.
Neymar do të kërkojë të hyjë në rrjedha të ligës së re sa më shpejt që të jetë e mundur pas kalimit të tij në Al Hilal dhe ndoshta mund të luajë kundër Al Feiha të shtunën në mbrëmje në Ligën Pro Saudite. Ndërkohë, Mbappe do të shpresonte të çonte PSG-në drejt një fitore kundër Toulouse në Ligue 1 në të njëjtën ditë, me skuadrën franceze që kishte hasur në probleme në një barazim 0:0 në ndeshjen e parë pa të.
