Zyrtare: Neymar ylli i radhës që transferohet në Lindjen e Mesme, nënshkruan për Al Hilal

Ylli i radhës që është transferuar në Lindjen e Mesme, është braziliani Neymar Junior. Ai ka nënshkruar për skuadrën saudite Al Hilal, me këta të fundit që kanë bërë njoftimin zyrtar me anë të rrjeteve sociale.

Neymar që ishte së fundmi pjesë e Paris Saint-Germain, u transferua për 90 milionë euro, me një kontratë dyvjeçare të nënshkruar, ku do të përfitojë rreth 160 milionë euro në vit, teksa është raportuar se ai ka mundësinë për vazhdimin edhe për një vit tjetër.

Ndërkaq, eksperti i transferimeve Fabrizio Romano, ka raportuar se nuk ka një opsion për ta vazhduar kontratën për një vit të tretë, por që paga e tij mbi 300 milionë euro për dy vite qëndrim, mund të shkojë deri mbi 400 milionë euro, për shkak të reklamave të ndryshme të premtuara nga ana e skuadrës saudite.

Magjia gjashtëvjeçare e Neymar në kryeqytetin francez ka përfunduar. Ai ka qenë jashtë fushës që nga marsi dhe i është nënshtruar një operacioni rindërtues të ligamentit të kyçit të këmbës në një përpjekje për të zgjidhur çështjet e dëmtimit që ka vuajtur që nga transferimi i tij rekord botëror nga Barcelona në vitin 2017.

Futboll / Al Hilal arrin marrëveshje me PSG-në për Neymarin

Pavarësisht se shënoi 118 gola për PSG-në, Neymar ka pasur një marrëdhënie me ulje-ngritje me tifozët e klubit në vitet e fundit, gjë që arriti kulmin kur ultrasit e tyre protestuan jashtë shtëpisë së tij në fillim të këtij viti. Këtë verë atij iu tha, se së bashku me Marco Verratti, të gjenin një klub të ri, pasi nuk ishin në planet e trajnerit të ri Luis Enrique.

Neymar do t'i bashkohet shumë yjeve botërorë që kanë kaluar në Arabinë Saudite këtë verë. Në Al Hilal ai do të luajë me Kalidou Koulibaly, Ruben Neves dhe ish-lojtarin e Barcelonës, Malcom.