Pamje: Ky ishte reagimi i Ronaldos kur tifozët i brohoritën për inat “Messi, Messi”
Cristiano Ronaldo iu përgjigje duke e tundur kokën në mosbesim dhe me gjeste me duar tifozët sauditë që po e brohorisnin emrin e rivalit të tij Lionel Messit.
Tifozët e tallën dhe thumbuan Ronaldon, pas disfatës së skuadrës së tij Al Nassr 1:0 kundër rivalit Al-Ittihad të enjten, duke e brohoritur emrin e rivalit të tij të përjetshëm.
Tifozët brenda stadiumit, jo për herë të parë këtë sezon, nuk humbën kohë për ta tallur 38-vjeçarin, duke ia kujtuar emrin e rivalit të tij të përbetuar Lionel Messi.
“Messi, Messi, Messi”, ishin brohoritjet e tifozëve arabë derisa Ronaldo po ecte në fushë drejt tunelit.
Ronaldo u pa duke qëndruar në një vend dhe duke tundur kokën e duke bërë me gjeste nga mosbesimi çfarë po dëgjonte.
Gara për titull në kampionatin e Arabisë Saudite, Saudi Pro League, është duke e nxehur dhe për superyllin portugez e enjtja mbrëma ishte një natë bezdisëse.
Skuadra e Ronaldos pësoi gol në dhjetë minutat e fundit të ndeshjes dhe e humbi kryesimin në tabelën e kampionatit saudit si pasojë.
Romarinho me një gol të rëndësishëm e bëri dallimin mes dy skuadrave, duke i ndihmuar Al-Ittihadit ta mposhtë Al-Nassarin dhe ta kalojë për një pikë në krye të tabelës.
Megjithëse i ka shënuar tetë gola në shtatë ndeshjet e fundit, pesë herë fituesi i Topit të Artë nuk ishte në gjendje t’i ndihmonte Al-Nassarit mbrëmë.
Ronaldo e pati një mundësi të mirë nga gjuajtja e lirë, por goditja e tij përfundoi lart më mbi portën kundërshtare.
Ai ishte i zemëruar me rezultatin dhe këtë e tregoi duke i shkelmuar shishet e ujit rrugës drejt zhveshtores.
Unlucky Free kick by Cristiano Ronaldo 🥺🥺🙂 #CristianoRonaldo𓃵 #AlNassr #HuzaifaShahidOfficial pic.twitter.com/XlNn3Oybqk
— Huzaifa_Shahid_Official (@Freakinhuzaifa2) March 9, 2023
