Pamje: Caicedo merr pritje të ‘ftohtë’ te Chelsea

Tashmë dy shokë të skuadrës së Chelseat, Ben Chilwell dhe Moises Caicedo, u filmuan së bashku në ‘banjën a akullt’ teksa po bënin procesin e rikuperimit pas stërvitjes.

Ben Chilwell postoi një ‘story’ me nënshkrimin e ri të verës, Caicedo, ndërsa dyshja bënin procesin e rikuperimit të ftohtë pas stërvitjes. Është e sigurt të thuhet se nga pamjet ekuadoriani nuk u kënaq aspak!

Ish-mesfushori i Brighton iu bashkua Chelseat për një tarifë rekord prej 130 milionë euro duke përfshirë edhe bonuset, që janë të bazuara në paraqitjet e tij dhe arritjet me skuadrën e re. Kjo e bën atë transferimin më të shtrenjtë britanik të të gjitha kohërave. Kalimi i tij te londinezët i dha fund një sage të gjatë transferimi për ekuadorianin.

Futboll / Chelsea e fiton ‘betejën’ me Liverpoolin për Caicedon, ekuadoriani lojtari më i shtrenjtë në Premierligë

Lëvizja u njoftua pas ndeshjes së parë të Chelseat kundër Liverpoolit, një klub që pothuajse nënshkroi marrëveshjen për mesfushorin. Caicedo thuhet se është një tifoz i Chelseat dhe përmendi Claude Makelele dhe N'Golo Kante si idhujt e tij në rritje.

Mesfushori 21-vjeçar ka të ngjarë të jetë i përfshirë në ndeshjen e ardhshme të Chelseat në ligë kundër West Ham United më 20 gusht.