Palmer i vetëm ia dhuron fitoren Chelseat, Arsenali fiton ndaj Leicester në frymën e fundit - NACIONALE
NACIONALE

Palmer i vetëm ia dhuron fitoren Chelseat, Arsenali fiton ndaj Leicester në frymën e fundit

1 vit më parë

nga NACIONALE

Chelsea ka shënuar fitore 4:2 ndaj Brightonit, për të vazhduar me paraqitje të mira në këtë sezon të ri të garave, ndërsa në anën tjetër Arsenali krejt në çastet e fundit triumfoi ndaj Leicester Cityt 4:2.

Cole Palmer ishte njeriu i që i vetëm ia solli tre pikët e radhës Chelseat.

22-vjeçari shënoi katër gola në pjesën e parë, diçka që askush nuk e kishte arritur më parë në Premierligë.

Brighton kaloi e para në epërsi në minutën e shtatë të takimit me anë të Rutter, por Palmer barazoi shifrat në minutën e 21-të.

Ylli anglez e çoi Chelsean në epërsi për herë të parë në këtë takim kur shënoi nga penalltia në minutën e 28-të.

Het-trikun e tij e kompletoi tre minuta më vonë, duke shënuar për rezultatin 3:1.

Brighton e ngushtoi rezultatin në 3:2 me Baleban në minutën e 34-të, por Cole Palmer shënoi golin e katërt personal në këtë takim në minutën e 42-të për rezultatin 4:2, me të cilin u mbyll pjesa e parë.

Në pjesën e dytë nuk pati asnjë gol të shënuar, ndonëse Chelsea krijoi disa raste të rrezikshme.

Skuadra e Enzo Marescës ka bërë një fillim shumë të mirë dhe tani kanë 13 pikë pas gjashtë ndeshjeve të para në Premierligë, ku gjenden vetëm pas Arsenalit e Manchester Cityt.

Në ndeshjen tjetër, Arsenali triumfoi në sekondat e fundit ndaj Leicester Cityt.

Skuadra e Mikel Artetës e dominoi takimin krejtësisht, por me shumë vështirësi e fituan ndeshjen, duke shënuar dy gola në minutat shtesë.

Gabriel Martinelli shënoi golin e parë të takimit për rezultatin 1:0 në minutën e 20-të.

Trossard në minutat shtesë e dyfishoi epërsinë dhe me rezultatin 2:0 u mbyll pjesa e parë.

James Justin e ngushtoi rezultatin në 2:1 në minutën e 47-të, teksa i njëjti e barazoi 16 minuta më vonë.

Topçinjtë fitoren e morën fal dy golave në momentet vendimtare.

Ishte Trossard që shënoi për 3:2 fillimisht, pas një devijimi të Ndidit, ndërsa Kai Havertz shënoi për rezultatin përfundimtar 4:2 në minutën e nëntë shtesë.

Arsenali tani grumbullon 14 pikë, aq sa ka edhe Manchester City që është në krye të renditjes.

Tjera:

Lajme të ngjashme