“Nuk mendoj se funksionin kështu, shoku” – Trajneri i Tottenhamit me përgjigje gazmore kur pyetet se me kë do ta zëvendësojnë Harry Kane

Trajneri i Tottenham Hotspur, Ange Postecoglou, ka njoftuar se transferimi i Harry Kane te Bayern Munich është vetëm çështje kohe, teksa është përgjigjur në mënyrë gazmore ndaj pyetjeve se si e kanë planifikuar zëvendësimin e sulmuesit anglez në skuadër.

Statusi i transferimit të Kane ka qenë një nga situatat më të diskutuara të verës me yllin anglez të lidhur me gjigantët gjermanë, Bayern Munich. Saga më në fund ka marrë fund me Kane që finalizoi lëvizjen e tij vetëm dy ditë përpara se Spurs të fillonte sezonin e tyre dhe natyrisht që ngriti pyetje në lidhje me planet e Postecoglou për të zëvendësuar kapitenin e Anglisë, megjithatë, trajneri australian pati një përgjigje qesharake për pyetjen.

"Unë nuk mendoj se funksionon kështu, shok. Nuk është gruaja ime që më jep një listë blerjesh për të shkuar të marr qumësht dhe bukë për fëmijët. E gjithë strategjia jonë ka qenë rreth faktit që Harry nuk ishte këtu me shumë mundësi, kështu që nuk është se ne kemi pasur një pau-wow këtë mëngjes dhe jeez (diçka që i ka rënë befasishëm), çfarë të bëjmë? E dinim se po vinte dhe ne kemi punuar drejt kësaj. Nga këndvështrimi im, ne jemi duke u përgatitur për Brentford dhe nuk do të ketë asnjë të ardhur nga tani deri të dielën, kështu që këtu është fokusi im."- tha Postecoglou, kur u pyet për planet e tij për të zëvendësuar Kane.

Do të jetë një shenjë shumë pozitive për tifozët e Spurs që trajneri i tyre i ri ka kontroll mbi planet e tij për sezonin, pavarësisht lëvizjes së vonuar të Kane, pasi në përgjithësi, transferimet e vona mund t'u bëjnë trajnerëve dhimbje koke mbi dinamikën e ekipit të tyre.

Futboll / “Ecim përpara” – Postecoglou komenton largimin e afërt të Harry Kane në drejtim të Bayern Munich

Tottenham Hotspur do të nisë sezonin e ri të tyre në Premierligë kundër Brentford të dielën, më 13 gusht në stadiumin Gtech Community.