“Nuk ishte i kënaqur me minutat” – Tuchel e konfirmon se Gravenberch po largohet nga Bayerni te Liverpooli

Trajneri i Bayern Munich, Thomas Tuchel, e ka konfirmuar se Ryan Gravenberch ka vendosur të largohet nga kampioni gjerman, në kërkim të minutave të lojës dhe shpejt pritet zyrtarizimi i tij te Liverpooli.

Tuchel ofroi një përditësim për Gravenberch në një konferencë shtypi në ditën e fundit dhe zbuloi se mesfushori ka dashur të largohet nga klubi për disa kohë. Holandezi pritet të bashkohet me Liverpoolin e Jurgen Klopp para mbylljes së afatit kalimtar.

"Problemi kryesor për të është se ne nuk luajmë me një numër 8 në sistemin tonë 4-2-3-1. Dhe ne kemi shumë zgjedhje përpara, me lojtarë vërtet me përvojë." u tha ai gazetarëve. "Ryan është një lojtar shumë i mirë, punëtor, i përkushtuar. Ai nuk ishte i kënaqur me situatën e tij. Ai e sheh mundësinë në Liverpool për të luftuar për një vend në numrin 8 në 4-3-3. Ai dëshiron të largohet për njëfarë kohe. Një ofertë erdhi dhe e diskutuam. Nuk është bërë ende e përfunduar, por rezultati është i qartë."

Futboll / Klopp reagon kur pyetet për dështimet në afatin kalimtar: Paratë e pafundme shkaktojnë problem

Reprezentuesi holandez do të bëhet shtimi i fundit në skuadrën e të kuqve këtë verë. Liverpool tashmë ka nënshkruar me lojtarë duke përfshirë Alexis Mac Allister, Wataru Endo dhe Dominik Szoboszlai në një përpjekje për të përditësuar skuadrën.

Liverpooli kthehet në aksion në Premierligë të dielën kundër Aston Villës në Anfield.