“Nuk është sekret” – Ten Hag i kërkon drejtuesve të nënshkruajnë me një sulmues, raportohet për Kane
Trajneri i Manchester Unitedit, Erik ten Hag, e ka pranuar se klubi po vuan për një sulmues dhe se i ka kërkuar drejtuesve një nënshkrim në afatin e verës, mes raportimeve për ardhjen e mundshme të Harry Kane nga Tottenhami.
Kane ka qenë në formë të shkëlqyer për Spurs këtë sezon, duke shënuar 24 gola në 33 ndeshje në Premierligë dhe Ten Hag tani ka konfirmuar se United duhet të blejë një sulmues të ri këtë verë, me Cristiano Ronaldo që është larguar, duke lënë Marcus Rashford dhe Anthony Martial, plus të huazuarin Wout Weghorst, si opsionet e vetme në Old Trafford.
Sipas Daily Mail, Ten Hag tha: "Të gjithë e dinë, nuk është sekret që gjatë gjithë sezonit kemi pasur mungesë të numrit 9-të. Së pari, ne patëm largimin e Ronaldos, pastaj Anthony Martial shpesh jo i disponueshëm, Jadon Sancho shpesh nuk ishte i disponueshëm, kështu që kemi mungesë lojtarësh në vijën sulmuese.
“Me më pak lojtarë ne duhet të mbulojmë shumë ndeshje, kështu që ne patjetër kemi nevojë për lojtarë në vijën e parë që të forcojnë skuadrën”.
Kontrata e Kane skadon në fund të sezonit të ardhshëm, që do të thotë se ai ka të ngjarë të detyrohet të marrë një vendim të madh këtë verë. Djajtë e Kuq tashmë janë lidhur me një lëvizje dhe janë të gatshëm t'i ofrojnë Kane një kontratë me vlerë 300,000 £ në javë. Megjithatë, The Mail raporton se United nuk dëshiron negociata të zgjatura me kryetarin e Spurs, Daniel Levy. United nuk ka nënshkruar me një lojtar nga Tottenham që kur bleu Dimitar Berbatov në vitin 2008.
United do të luajë me Aston Villan sot, ndërsa ata kërkojnë të konsolidojnë pozitën e tyre në top katërshe, ndërsa Kane do të jetë në aksion për Spurs kur do të luajnë me Liverpool në Anfield pasditen e sotme.
