Neymar pranë rikthimit në fushë, Al Hilal e regjistron për sezonin 2024/25
Pasi pësoi lëndim të tmerrshëm që e la për gati një vit jashtë fushës së futbollit, Neymar mund të jetë afër rikthimit për të luajtur për Al Hilal, pasi skuadra atë e ska regjistruar për sezonin e ri 2024/25 për Ligën Pro Saudite.
Neymar pësoi një dëmtim të keq në shtator të vitit 2023 ndërsa ishte në detyrë me kombëtaren braziliane dhe ylli i Al Hilal nuk ka mundur të kthehet në fushë që atëherë. Sidoqoftë, skuadra Saudite Pro Ligës është e vendosur të regjistrojë ish-yllin e Barcelonës në skuadër për sezonin e ri sipas mediumit saudit Ariyadhiah.
Liga Pro Saudite i lejon klubet të regjistrojnë gjithsej 10 lojtarë të huaj në skuadrat e tyre çdo sezon, në mënyrë që të mos ndikojë në rritjen e lojtarëve vendas. Al Hilal tashmë ka 10 lojtarë të huaj në listën e tyre dhe regjistrimi i Neymar do të mbyllte vendin për një lojtar ndërkombëtar, dhe raportimi ka sugjeruar se lojtari që mund të jetë jashtë listës është ish-ylli i Atletico Madrid, Renan Lodi.
Lodi ka qenë i rregullt për Al Hilal që nga transferimi i tij në klub në afatin kalimtar të dimrit, megjithatë, ardhja e Joao Cancelo nga Manchester City dhe mbrojtësit të majtë Miteb Al Harbi ka bërë që skuadra Ligës Pro Saudite të mendojë për vendin e brazilianit në skuadra.
Nëse vërtet pritet që Neymar të kthehet në fushë para fundit të vitit 2024, është e qartë se ylli brazilian do të përfshihet në skuadër. Sa i përket Lodit, është raportuar gjatë javës së fundit se Al Hilal ka kërkuar ofertues për mbrojtësin e krahut, por me mbylljen e afatit kalimtar, nuk ka gjasa që e njëjta të arrihet para afatit.
