Neymar e mbështet yllin e Real Madridit për ta fituar Topin e Artë
Neymar beson se ylli i Real Madridit Vinicius Jr është kandidati më meritues për ta fituar Topin e Artë këtë vit, pas një suksesi fantastik në La Liga-n dhe Ligën e Kampionëve.
“Marca” ka raportuar së fundmi se braziliani do ta fitojë Topin e Artë, duke mposhtur në garë Rodrin si dhe bashkëlojtarin Jude Bellingham.
I të njëjtit mendim është edhe Neymar, i cili ka deklaruar se Vinicius është lojtari që e meriton më së shumti trofeun më prestigjiozë në botë.
“Sigurisht do ta mbështes (Vinicius) për ta fituar Topin e Artë. Për mua nuk ka kandidat tjetër për ta fituar. Është personi që e meriton, sepse është luftues”.
“Ka vuajtur shumë gjatë tërë jetës, por i ka kaluar të gjitha pritshmëritë dhe kritikat. Është bërë idhull për të gjithë ne”, deklaroi ai.
Vinicuis zhvilloi 39 paraqitje për Realin në të gjitha garat sezonin e kaluar, duke regjistruar 24 gola dhe qenë golashënuesi më i mirë në klub. Sidoqoftë, ai dështoi me Brazilin në Kupën e Amerikës, ku u eliminuan në çerekfinale nga Ukraina.
Përndryshe, ceremonia e Topit të Artë do të jetë më 28 tetor në Paris, aty ku edhe do të mësohet se cili nga lojtarët do ta fitojë trofeun më të rëndësishëm individual.
