Nesta: Nuk është i gjithë faji te Allegri në Juventus, De Ligt të fokusohet më shumë në futboll

Legjenda e Italisë, Alessandro Nesta, ka folur për vështirësitë e Interit dhe Juventusit, teksa ka thënë se trajneri Massimiliano Allegri nuk bart të gjithë fajin për formën e dobët te zonja e vjetër. Në anën tjetër legjenda e Milanit i ka dhënë këshillë Matthijs de Ligt që të fokusohet më shumë në futboll dhe t’i lërë deklaratat.

Të dy skuadrat si zikaltrit ashtu edhe bardhezinjtë kanë pasur fillime zhgënjyese të sezonit, duke u gjendur në vendin e shtatë dhe të tetë në tabelën e Serie A-së pas shtatë ndeshjeve respektivisht. Të dyja palët nuk kanë arritur lartësitë e tyre të zakonshme dhe tifozët e të dy skuadrave kanë filluar të bëhen të paduruar, duke bërë gjashtë javët e ardhshme për Simone Inzaghi dhe Massimiliano Allegri.

Futboll / Allegri: Zbavitem duke i lexuar lajmet rreth mundësisë që të shkarkohem

Duke folur për Corriere della Sera, Nesta fillimisht shikoi nga jashtë për të kuptuar pse Interi e ka nisur sezonin në një mënyrë kaq të dobët.

“Nga jashtë, Interi më duket se është në vështirësi edhe fizikisht. A preken ata nga vështirësitë e klubit? Nëse po, ata nuk do duhej të prekeshin nga to.

“I takon lojtarëve, trajnerit dhe drejtuesve që të krijojnë një ekip dhe të kapërcejnë krizat. Por duhet bërë shpejt.”

Futboll / Çfarë ndodhi në takimin emergjent të Interit pas tri humbjeve në katër ndeshje

Ish-kapiteni i Lazios më pas dha mendimet e tij për situatën e vështirë të Juventusit. Zonja e Vjetër ka siguruar vetëm dy fitore në shtatë ndeshjet e para.

“Nuk është i gjithë faji i Allegrit. Ka një konfuzion më të përgjithshëm, prej vitesh ata kanë bërë një hap përpara dhe dy hapa prapa, nuk ka asnjë linjë të saktë, as në treg. Nuk ka qartësi.”

Së fundi, Nesta sugjeroi që De Ligt duhet të fokusohet në futbollin në Gjermani tani në vend që të hapet me deklarata për kohën e tij në Torino.

“Nuk do të kisha bërë deklarata të caktuara. Kanë paguar 70 milionë euro për ty, të kanë kërkuar me çdo kusht, ke qenë i lënduar për kaq shumë kohë. Do të shkosh në Bayern? Thjesht shko atje dhe luaj futboll.”