Në prag të ndeshjes me Rumaninë: ‘Dardanët’ nisin stërvitjet

Kombëtarja e Kosovës vazhdon përgatitjet në kampin nacional në Hajvali, për ndeshjet e shtatorit.

Pas konferencës për media të selektorit Franco Foda, ‘Dardanë’ u grumbulluan. Megjithëse ekipi nuk ishte i kompletuar shkaku i angazhimeve që patën lojtarët të dielën, Kosova prej sot nis agjendën e përgatitjeve.

“Dardanët” do të luajnë të premten me Rumaninë, në ndeshjen që do të luhet në stadiumin “Fadil Vokrri” në Prishtinë, ndërsa tri ditë më pas, respektivisht të hënën që vjen, Vedat Muriqi me shokë do ta vizitojnë Qipron.