Ndryshon orari i finales së Kupës FA, mësohet kur do të zhvillohet derbi i Mançesterit
Finalja e Kupës FA mes Manchester Cityt e Manchester United do të luhet me fillim nga ora 16:00, duke ndryshuar nga orari fillestar që ishte.
Edhe vitin e kaluar në finale ishin skuadrat e njëjta, ku Man City fitoi me rezultat 2:1, ndërsa përballja e këtij viti ishte planifikuar të zhvillohej me fillim nga 18:30.
Federata e futbollit në Angli ka thënë se orari ka pësuar ndryshim pasi janë pajtuar me klubet, autoritetet lokale, anëtarët e këshillit sigurues dhe transmetuesve.
City dhe United do të përballen në Wembley Stadium të shtunën e 25 majit.
Herën e fundit skuadra e Pep Guardiolës triumfoi, që më pas përfunduan duke fituar një tripletë, së bashku me Ligë të Kampionëve dhe Premierligë.
Edhe ndeshja e vitit të kaluar ishte zhvilluar me fillim nga ora 16:00 pas këshillave të Policisë, që ishte hera e parë që zhvillohej një finale në atë orar pas 12 viteve.
