Ndeshja e titullit: Tottenham mes dy zjarresh, Liga e Kampionëve dhe Arsenali kampion!
Tottenham Hotspur mund ta ketë fjalën e fundit në garën e ashpër për titull mes Arsenalit e Manchester Cityt.
Kjo pasi sot, skuadra nga Londra Veriore e pret Manchester Cityn. Dhe çdo rezultat tjetër, përveç fitores e lë Tottenhamin matematikisht jashtë garës për Top 4.
Në anën tjetër, një fitore e Tottenham ia ‘dorëzon’ titullin Arsenalit, rivalit më të madh të Spurs.
Tottenham është mes dy zjarresh: të synojë fitoren ndaj Cityt dhe të jetë në garë për Ligën e Kampionëve dhe në këtë formë t’ia mundësojë Arsenalit titullin, ose të pësojë humbje duke shuar gjasat për Top 4.
