Ndalohet shitja e alkoolit në Milano gjatë çerekfinales Inter – Benfica
Shitja e pijeve alkoolike gjatë ndeshjes çerekfinale të Ligës së Kampionëve ndërmjet Interit dhe Benficës të mërkurën në mbrëmje është ndaluar në zona të caktuara të qytetit të Milanos nga autoritetet lokale.
Prefekti i qytetit, Renato Saccone nënshkroi urdhrin "për të siguruar mbarëvajtjen e ngjarjes dhe për të shmangur shqetësimet e rendit dhe sigurisë publike".
Ndalimi i përkohshëm do të ndalojë shitjen e alkoolit dhe pijeve alkoolike në kanoçe dhe shishe qelqi, në restorante, bare dhe në dyqane për ata që shpresojnë të marrin një pije me vete në rrugë.
Zonat e prekura do të përfshijnë Corso Como dhe në afërsi të Darsena në qendër të qytetit, si dhe afër Sempione, San Siro dhe rrugët përreth në ato zona të veçanta.
#InterBenfica, mercoledì stop alla vendita di bevande alcoliche in molte zone di Milano #Champions https://t.co/iF7h6IS44e
— La Gazzetta dello Sport (@Gazzetta_it) April 17, 2023
Mbi 6,000 tifozë të Benficës në udhëtim pritet të mbërrijnë në Milano përpara fillimit të ndeshjes çerekfinale në Giuseppe Meazza dhe vetëm disa mijëra prej tyre do të jenë brenda stadiumit.
Pritet të ketë një prani të madhe policie në qytet në përgatitjen e lojës, veçanërisht në Piazza Duomo, ku mbështetësit që udhëtojnë drejt qytetit priren të mblidhen para ndeshjeve në San Siro.
Zikaltrit kanë triumfuar në ndeshjen e parë të zhvilluar mesjavën e kaluar në Portugali, ndërsa ndeshja vendimtare për kalimin në gjysmëfinale zhvillohet këtë të mërkurë me fillim nga ora 21:00.
