Naglesmann po e konsideron mundësinë e një ndryshimi të madh te Gjermania ndaj Danimarkës

Trajneri i Kombëtares së Gjermanisë, Julian Naglesmann, po e konsideron mundësinë që të mos startojë me yllin e Bayer Leverkusen, Florian Wirtz në 1/8 e finales ndaj Danimarkës.

Sipas Sky Germany, megjithë fillimin solid të Gjermanisë në këtë turne, ish-trajneri i Bayern Munichut po mendon të heqë dorë nga një prej yjeve të rinj më në formë, Wirtz, në favor të një linje përpara më me përvojë dhe fizikisht më të përgatitur. 21-vjeçari fantastik nga Bayer Leverkusen shënoi golin e parë të turneut të Gjermanisë kundër Skocisë dhe hyri në verë si një nga talentet e rinj më premtues në futbollin global. Pavarësisht kontributeve të tij të hershme, paraqitjet e Wirtz janë zbehur pak, veçanërisht në ndeshjet kundër Hungarisë dhe Zvicrës, duke e bërë Nagelsmann të konsiderojë largimin e tij nga formacioni fillestar.

Kai Havertz i Arsenalit është vendosur si numri 9 i Gjermanisë gjatë gjithë turneut. Nga ana tjetër, Niclas Fullkrug, i cili është përdorur kryesisht si zëvendësues, mburret me një rekord mbresëlënës me dy gola në vetëm 73 minuta lojë. Kjo ka ndezur një debat se kush duhet të drejtojë sulmin e Gjermanisë. Zgjidhja që Nagelsmann po mendon mund të jetë fillimi i të dy lojtarëve, me Havertz në një rol më të thellë si numër 10 dhe Fullkrug si sulmues qendror - që do të thotë se Wirtz duhet të sakrifikohet.

Nagelsmann beson se ky ndryshim taktik do t'i siguronte Gjermanisë një opsion më të fuqishëm sulmues. Gjithashtu ka të ngjarë të shohë Ilkay Gundogan dhe Jamal Musiala, të dy në formë të mirë, të ruajnë pozicionet e tyre në mesfushë - një aspekt kyç për të balancuar palën gjermane në tranzicion.

Në prag të ndeshjes së së shtunës, Nagelsmann pritet të përdorë seancat e mbetura stërvitore për të finalizuar strategjinë e tij dhe për të siguruar që ekipi i tij të jetë i përgatitur mirë. Danimarka, e cila arriti një barazim të qëndrueshëm 1:1 kundër Anglisë, do të përbëjë një sfidë të rëndësishme dhe trajneri beson se ndryshimi taktik do t'i ndihmonte lojtarët e tij të hapnin hapësirat te mbrojtja daneze, diçka që Anglia nuk arriti ta bënte.