Mourinho refuzon ofertën e parë nga Lindja e Mesme, në pritje të klubeve evropiane

Siç raporton ESPN, Jose Mourinho, tashmë ka refuzuar ofertën e parë nga Lindja e Mesme, më saktësisht nga Al Shabab që luan në Ligën Pro Saudite, pasi është duke pritur për një ofertë nga klubet evropiane.

Domenico Tite, drejtori sportiv i klubit, pati bisedime me Jorge Mendes, agjentin e Mourinhos, sapo portugezi u shkarkua nga AS Roma javën e kaluar.

Fituesi i tripletës në vitin 2010 me Interin e ka përmendur shumë herë dëshirën e tij për të menaxhuar një skuadër në Arabinë Saudite në të ardhmen e afërt. Por tani për tani, ai ka vendosur të mos bashkohet me asnjë klub atje.

Mourinho, i cili mbush 61 vjeç të premten, ka pasur interes nga klubet evropiane, por burimi tha se ai po merr kohën e tij për të vendosur se çfarë të bëjë.

Ai nuk mund të drejtojë një klub tjetër italian këtë sezon, pasi është kundër rregullave të drejtosh dy ekipe të Serisë A në të njëjtën sezon, kështu që interesimi i mundshëm i Napolit, për shembull, do të duhet të presë deri në sezonin e ardhshëm.

Mourinho ka thënë se dëshiron të qëndrojë në Evropë, por vetëm për projektin e duhur.

Ai tani është shkarkuar në pesë skuadrat e tij të fundit (Chelsea, Real Madrid, Manchester United, Tottenham dhe Roma) dhe 'aksionet' e tij kanë rënë.

Al Shabab është i 11-ti në ligën Saudite Pro dhe i etur për të zëvendësuar menaxherin që po has në probleme Igor Biscan, pasi ka fituar vetëm pesë nga 19 ndeshjet e ligës këtë sezon.