Mourinho: I lumtur që u ktheva në punë, nuk jam ‘i ndërtuar’ për pushime

Trajneri i Romës, Jose Mourinho, është kthyer në punë pas pushimeve të bëra, duke thënë se është i lumtur që më në fund u kthye, teksa ka folur për shumë çështje të tjera lidhur me skuadrën e tij.

Trajneri portugez është kthyer në shtëpi pas disa javësh dhe është pritur në aeroportin e Romës nga gazetarët dhe tifozët.

Futboll / Ylli i Romës tregon se pse Mourinho është ‘trajner bipolar’

Ai u pyet nëse pret një 'dhuratë' nga pronarët e klubit në merkato.

“Nuk pres asgjë. Jam i lumtur që po kthehem në punë, nuk jam i ndërtuar për pushime. Të hënën në mëngjes në orën 08:00, ne punojmë”, u përgjigj ‘Special One’.

Ekziston një klauzolë në kontratën e Dybalas që e lejon atë të largohet në një klub jashtë shtetit për vetëm 12 milionë euro dhe Chelsea besohet se po kërkon ta aktivizojë atë. A do të flasë ai me La Joya për këtë?

“Unë nuk di asgjë për një kontratë, padyshim që flas me Paulon ashtu siç flas me të gjithë lojtarët e mi.”

A flet ai edhe me sulmuesin e Atletico Madrid, Morata?

“Jo, unë flas me lojtarët e mi. Nuk jam i interesuar për tregun e transferimeve. Unë i përkas fushës, aty punoj”.

Mourinho konfirmoi se iu kërkua t'i kërkonte falje gjyqtarit Daniele Chiffi për të ulur ndalimin 10-ditor, por edhe kjo nuk ishte e mjaftueshme, pasi ai detyrohet të largohet nga dy ndeshjet e para të sezonit në Serie A.

Futboll / Një dënim tjetër për Mourinhon, portugezi pezullohet 10 ditë pasi ofendoi gjyqtarin italian

“Nuk jam i befasuar nga asgjë. Me këtë vapë në gusht, në vend që të ulem në stol, do të jem diku në një vend të këndshëm dhe të freskët me ajër të kondicionuar.”