Milani interesohet për yllin e Kombëtares së Gjermanisë

Raportohet se Milani po interesohet për reprezentuesin gjerman, Angelo Stiller, që luan në Bundesliga te VfB Stuttgart, pasi Ricci i Torinos që ishte deshira kryesore nuk do të jetë i disponueshëm në janar.

Kuqezinjtë po kërkojnë të forcojnë opsionet e tyre të mesfushës në javët e ardhshme, dhe ndërsa Ricci mbetet një objektiv, italiani nuk ka gjasa të shitet deri në verën më të hershme.

Sipas raporteve të së martës nga Tuttosport dhe Milannews.it, kuqezinjtë janë gjithashtu të interesuar për mesfushorin e Stutgartit, Stiller, i cili ka bërë tre paraqitje për kombëtaren gjermane që nga shtatori.

23-vjeçari ka të ngjarë të vijë me një kosto prej rreth 25-30 milionë euro sipas përditësimeve të fundit.

Një produkt i sistemit të akademisë së Bayern Munichut, Stiller sapo ka bërë 100 paraqitje në Bundesligë në moshën 23-vjeçare, është paraqitur në çdo ndeshje të ligës në sezonin 2024-2025 dhe ka humbur vetëm gjashtë minuta në Ligën e Kampionëve këtë sezon.