Milani dhe Juventusi në garë për yllin e Valencias

Klubet më të mira në Evropë janë të interesuara për shërbimet e yllit të Valencias Javi Guerra, me gjigantët e Serie A-së, Milan dhe Juventus, që janë futur në garë për spanjollin, siç raporton eksperti i transferimeve, Matteo Moretto.

Mesfushori 20-vjeçar ka shkëlqyer në sezonin e tij të parë të plotë për Los Ches, duke shënuar katër gola dhe duke dhënë një asistim në 19 ndeshje në La Liga dhe ka filluar të bëhet një nga të rinjtë më emocionues në skenën evropiane.

Klubet në të gjithë kontinentin kanë filluar të marrin parasysh Guerran. Newcastle United tashmë ka kontaktuar për të eksploruar një lëvizje të mundshme dhe Manchester United është gjithashtu i interesuar, siç janë edhe Paris Saint-Germain i Luis Enrique.

Eksperti italian i transferimeve, Matteo Moretto, tha për “Daily Briefing” të Fabrizio Romano se Milani dhe Juventusi kanë vendosur gjithashtu synimet e tyre te Guerra, të interesuar për t'u bashkuar në garën për mesfushorin e talentuar të Valencias.

Skuadra spanjolle nuk është e gatshme ta lërë 20-vjeçarin të largohet në mes të sezonit, kështu që të gjitha klubet e interesuara do të kenë kohë deri në verë të provojnë dhe ta bëjnë për vete talentin spanjoll, i cili ka një çmim prej 35 milionë euro.

Guerra do të preferonte të qëndronte në Spanjë, por nëse është e pamundur një gjë e tillë, ai është i hapur për një lëvizje në Premierligë, duke lënë Francën dhe Italinë si destinacione më të paparashikueshme.