Messi i kënaqur me vendimin për t’u transferuar te Inter Miami, thotë se do ta japë maksimumin
Ylli argjentinas, Lionel Messi, thotë se është i kënaqur me vendimin e tij për t’u transferuar te Inter Miami dhe ka premtuar se do të vijojë të paraqitet në maksimumin e tij.
Messi kishte disa mundësi teksa përgatitej të largohej nga Paris Saint-Germain, me ish-klubin e tij Barcelona, duke bërë një lojë të madhe për nënshkrimin e tij dhe skuadrën saudite Al Hilal gjithashtu që bëri një ofertë të mrekullueshme për të. Ai në vend të kësaj zgjodhi të bëjë lëvizjen te Inter Miami, ku do të lidhet me ish trajnerin e Argjentinës dhe Barcelonës, Gerardo Martino dhe ai këmbëngul se do të japë gjithçka për të vazhduar të paraqitet në një nivel të lartë.
Messi tha në një intervistë për TV Publica: “Mentaliteti dhe koka ime nuk do të ndryshojë dhe do të përpiqem kudo që të jem, të jap maksimumin për mua dhe për klubin, në mënyrë që të vazhdoj të paraqitem në nivelin më të lartë. Jemi të kënaqur me vendimin që kemi marrë. Të përgatitur dhe të paduruar për të përballuar me këtë sfidë të re, këtë ndryshim të ri”.
Messi ka vizituar Shtetet e Bashkuara për pushime teksa përgatitet të prezantohet si një nënshkrim i ri i Inter Miamit dhe ai gjithashtu ka lënë të kuptohet për pensionimin e tij të afërt nga Argjentina pasi ndihmoi vendin e tij të fitojë Kupën e Botës, me 36-vjeçarin karriera e të cilit po i vjen fundi.
