Mësohet se ylli i Manchester Cityt ishte arrestuar në Spanjë për vjedhje
Mesfushori i Manchester Cityt, Matheus Nunes, raportohet se muajin e kaluar ishte arrestuar në Spanjë për një vjedhje të një telefoni.
Sipas El Mundo, portugezi u arrestua nga Policia Kombëtare në klubin e natës La Riviera në Madrid më 8 shtator për vjedhjen e celularit të një personi tjetër. Nunes po kalonte fundjavën me miqtë e tij në kryeqytetin spanjoll pasi nuk arriti të futej në skuadrën e Portugalisë për ndeshjet e Ligës së Kombeve. Lojtari u arrestua në orën 05:30 dhe në raportin e policisë pretendohej se i kishte rrëmbyer telefonin një 58-vjeçari në banjën e klubit të natës.
Sipas lojtarit, viktima e supozuar thuhet se u përpoq ta fotografonte lojtarin pa pëlqimin e tij, gjë që e shtyu atë t'i hiqte telefonin. Burri njoftoi menjëherë policinë, të cilët më vonë gjetën një telefon në posedim të yllit të Manchester City në dhomën e tij.
Një tjetër version nga dëshmitarët ka pohuar se viktima raportohet se ka prekur lojtarin me telefonin në dorë, ndaj të cilit lojtari ka reaguar me inat dhe gabimisht ka menduar se e ka bërë fotografinë e tij. 25-vjeçari kaloi disa kohë pas hekurave përpara se të lirohej me kusht në pritje të një gjyqi.
Nunes pritet të përballet me gjyqin për incidentin, por do të vazhdojë me Manchester Cityn ndërkohë. Reprezentuesi portugez filloi në ndeshjen e Cityt në Ligën e Kampionëve të martën mbrëma kundër Slovan Bratislavës dhe mund të shihet më pas në fushë edhe në fundjavë, kur Qytetarët përballen me Fulhamin në Premierligë.
